هذه الأرض لي، منذ مئات السنين، مهما حاول الاحتلال الاستيلاء عليها، سأبقى هنا، جربوا طردي، حاولوا تدميرها، لكنني لم ولن أرحل، صحيح أن الأرض جبلية، وصخرية، لكنها تظل بيتي.
📍 أم صفا – نيسان 2025

"كنت أشتغل وأروح وأيجي… عايش زي أي شاب."
لكن فجأة تغيّر كل شيء.
أُصبت، وفقدت إيدي…
والدكاترة بيحكولي إذا ما استعجلتش بالعلاج، رح يبتروها من فوق!
وما حد سأل… لا جهات، ولا مؤسسات، ولا أجد حتى مأوى.
بيتي انهد… وبنتي الصغيرة ما بلاقي إلها حليب!
وأنا… بإيد واحدة، عم بحاول أعيش.
📍 مخيم جنين – نيسان 2025
#فلسطين #جريح #مخيم_جنين

كل طوبة في هالبيت، تعبنا فيها سنين…
"طوبة طوبة إحنا بنينا"، حبة بحبة، من قوت يومنا.
وفجأة…
دخلوا علينا، ما أعطونا وقت حتى نطلع أغراضنا،
كسروا التلاجة، والغسالة، وكل شيء!
حلمنا… وحلم أولادنا، تهدم بثواني!

📍نابلس – نيسان 2025
#فلسطين #هدم_البيوت #الضفة_الغربية #نابلس

"أول كلمة حكتلي ياها أمي بعد ما هدموا بيتنا:
'فداكم… فداء الشعب… فداء أمة لا إله إلا الله.'
بيتنا راح، بس كرامتنا باقية، وصوتنا لسه عالي.
مش رايحين من هون، ورح نبني من جديد."

📍 نابلس – نيسان 2025
#نابلس #الضفة_الغربية #فلسطين #هدم_البيوت

"نارهم ما بتحرق بس جدران… بتحرق الطفولة، والذكريات، والكرامة!"
في تمام الساعة 7:30 صباحًا من يوم الإثنين 8 نيسان 2025،
اقتحمت قوات الاحتلال المنطقة المحيطة بالمستشفى الإنجيلي قرب البلدة القديمة في نابلس،
وأشعلت النار في منزل عائلة شلهوب، بعد أن قيدت أفرادها تحت تهديد السلاح.
عبد فاروق شلهوب، رب العائلة، ونجله عمير، رووا تفاصيل الحريق والدمار والخوف الذي غرس في قلوب أطفالهم.
ألعاب الأطفال، ذكرياتهم، وحتى إحساسهم بالأمان… كل شيء تحوّل إلى رماد.
"ربطوني وأنا شايف الدار بتولع... وابني الصغير صار يرجف من منظرهم!"
– عمير شلهوب
"هاي مش حياة… هذا تهجير مقصود!"
– عبد فاروق شلهوب
📍 نابلس – محيط المستشفى الإنجيلي